|
Xosé Manuel Barreiro é
Doutor en Ciencias Económicas e Empresariais pola Universidade de Santiago
de Compostela e catedrático de Comercialización e Investigación de Mercados
de dita Universidade.
Desde 1983 impartiu docencia na Universidade
de Santiago de Compostela, nun primeiro momento na Facultade de Ciencias
Económicas e Empresariais do Campus compostelán e posteriormente na
Facultade de Administración e Dirección de Empresas do Campus de Lugo.
Así mesmo, ten participado nos órganos de
xestións da citada institución universitaria como integrante do
Vicerrectorado do Campus de Lugo e responsable da Sección Delegada da
Facultade de Ciencias Económicas e Empresariais na capital luguesa.
Ocupou o cargo de vicesecretario xeral do
PPdeGalicia e desde abril de 2002 é presidente provincial do PP de Lugo.
Desde 1995 ata 1999 exerceu como primeiro tenente de alcalde, concelleiro
delegado de Economía e portavoz no Concello de Lugo.
É deputado no Parlamento de Galicia desde as
eleccións autonómicas do ano 1997.
Na V Lexislatura foi voceiro de Economía do
Grupo Popular, voceiro na Comisión do Consello de Contas, ademais de vocal
nas Comisións de Industria e Educación. Así mesmo foi administrador do Grupo
Parlamentario Popular.
O 10 de setembro do 2004 foi nomeado
vicepresidente segundo da Xunta de Galicia. Cargos que ocupou ata agosto do
2005.
Na actualidade é Voceiro adxunto do Grupo
Parlamentario Popular no Parlamento de Galicia. |
