Don Xosé Luís Méndez Ferrín, elixido presidente da Real Academia Galega

>> marzo de 2010

 

O 23 de xaneiro de 2010, ás 12 da mañá, reuniuse o Plenario da Real Academia Galega en sesión extraordinaria para a elección do Presidente e da Comisión Executiva da Institución.

Tras a correspondente votación, a Xunta de Goberno da Real Academia Galega queda constituída polos seguintes académicos numerarios:

 

Presidente: D. Xosé Luís Méndez Ferrín

Secretario: D. Xosé Luís Axeitos Agrelo

Tesoureiro: D. Manuel González González

Arquiveiro - Bibliotecario: D. Euloxio Rodríguez Ruibal

Vicesecretario: D. Francisco Fernández Rei

 

 Fonte: www.realacademiagalega.org

 

Dende este recuncho da Galicia exterior, o Instituto Santiago Apóstol de Bos Aires quere transmitirlle ao señor Presidente a enorme ledicia que supón para a nosa institución educativa o seu tan merecido nomeamento.

Asemade, desexa agradecerlle todas as atencións que connosco tivo na súa inesquecible visita ao noso centro de estudos. Oxalá sexamos quen de contribuír no espallamento dunha cultura que persoas coma vostede a fixeron, a fan e a seguirán a facer universal.

Parabéns, don Xosé Luís.

 

 

 

 

 

 

 

 

ir arriba