Recoñecemento
a Xabier Docampo
>> marzo de 2010
Unha comisión do I Congreso Iberoamericano de Lingua e
Literatura Infantil e Xuvenil que se vai celebrar en
Santiago de Chile entre os días 24 e 28 de febreiro escolleu
as obras Cando petan na porta pola noite de Xabier P.
Docampo e Contos por palabras de Agustín Fernández
Paz como dous dos once mellores libros do século XX para os
lectores máis novos escritos en castelán. Ambos os dous
textos son os únicos que non foron escritos orixinalmente en
castelán.
Dende esta páxina, desexamos enviarlles as nosas
felicitacións aos dous ilustres creadores, os cales son unha
mostra evidente de que a lingua e a cultura de Galicia, a
través da súa inxente universalidade, non coñecen
fronteiras.
Asemade, agradecémoslle a Xabier os momentos inesquecibles
que nos permitiu pasar durante as súas
visitas ao
noso instituto e todo o que fixo e fai por dar a
coñecer o noso traballo en Galicia. Do mesmo xeito, queremos
transmitirlle os nosos parabéns a Agustín Fernández Paz a
quen agardamos poder recibilo pronto no noso centro de
estudos.
Enlace
http://www.xornal.com/artigo/2010/02/09/cultura/fernandez-paz-docampo-sinalados-mellores-autores-do-seculo-xx/2010020921330102682.html
ir arriba
