Ademais da súa asistencia ao acto institucional do Día das Letras Galegas, o vicerreitor da Universidade de Vigo, don Iván Area Carracedo, mantivo un encontro co alumnado de 4º e 5º cursos do nivel Secundario. Nel,  o profesor de Matemática Aplicada explicoulles o funcionamento xeral da súa universidade e resolveu as múltiples cuestións que se lle formularon, e que tiveron como eixe central os estudos superiores.

Agradecémoslle moito, don Iván, a súa deferencia e a súa dispoñibilidade para dialogar connosco e achegarnos información dos estudos universitarios que pronto comezaremos algúns de nós.