José Ignacio López, secretario da Academia Nacional de Xornalismo de Arxentina visitou o noso instituto e tivo oportunidade de coñecer as actividades que levamos a cabo. No encontro que mantivo con José María Vila Alén, secretario xeral da Fundación Galicia América, tomou contacto con todas as propostas pedagóxicas que o noso centro educativo ofrece e interiorizouse das ofertas de futuro previstas.

 

José Ignacio López

 

Naceu en Bos Aires o 8 de decembro de 1936 e é egresado da Escola Normal de Profesores Mariano Acosta (Anexo Bacharelato Nocturno) e do Instituto Grafotécnico.

Entre 1961 e 1975 desempeñouse no xornal La Nación, onde chegou a ser prosecretario de redacción.

Máis tarde, secretario de redacción e columnista de temas económicos, políticos e relixiosos de La Opinión, funcións que tamén tivo nas axencias Noticias Argentinas (NA), e Diarios y Noticias (DyN).

Colaborador permanente de Clarín entre 1977 e 1983, redactou a columna relixiosa nese matutino e o comentario político do semanario El Economista.

Condutor e comentarista radial e televisivo, foi xerente de noticias en Radio América e en Radio del Plata; xefe de redacción do vespertino Extra, integrante do equipo xornalístico que creou Cablevisión Noticias, e, de regreso en La Nación, columnista relixioso e editor da Red de Diarios del Interior.

Durante todo o mandato do doutor Raúl Alfonsín, foi voceiro presidencial con rango de secretario de Estado. Na orde institucional, ademais, foi fundador e presidente en varios períodos do Club Gente de Prensa.

.::.