O venres, día 15 de maio, desenvolvemos no Salón Valle Inclán do Centro Galicia de Bos Aires o acto institucional conmemorativo do Día das Letras Galegas.

Coma todos os anos, neste 2009, o alumnado rendeu homenaxe á figura designada pola Real Academia Galega como persoeiro destacado.

A través dunha presentación dramática dirixida polos profesores Fernando Naval e Ángeles Iglesias Conde e coa escenografía deseñada pola profesora Alejandra Lorenzo, os rapaces e rapazas de sexto curso do nivel Primario mostráronnos distintas facetas da personalidade de don Ramón Piñeiro.

Alén do anterior, contamos tamén coa participación do grupo de Bailes e Cantos Tradicionais da escola, do coro escolar do instituto e dun grupo musical formado por rapaces do nivel secundario.

Cómpre salientar que este acto contou coa asistencia de distintas autoridades; entre elas, presidiu o acto o doutor don Iván Area Carracedo, vicerreitor de Relacións Institucionais da Universidade de Vigo.

Poden descargar o programa do evento nesta páxina. + info

.::.