O xornalista Luís Celeiro estivo visitando as instalacións do Santiago Apóstol. Durante o seu percorrido puido coñecer polo miúdo o funcionamento da institución educativa e interiorizarse dos proxectos presentes e futuros do noso instituto.

Alén diso, impartiu unha conferencia titulada “O Camiño de Santiago como espazo de comunicación”. Nela, destacou o papel dos medios de comunicación en Galicia e a súa contribución ao desenvolvemento cultural do país, e referiuse tamén á Universidade de Santiago como un motor para o emprendemento e como “a grande creadora e transmisora de coñecemento”.

O Camiño ou os Camiños de Santiago son, segundo Celeiro, espazos de comunicación que contribúen ás relacións entre as xentes, as culturas e os pobos, cunha dimensión internacional e cunha alta capacidade de unión e de transmisión de diferentes culturas e pareceres.

Na súa opinión, o Camiño de Santiago é unha canle de comunicación “permanente”, con interlocutores múltiples e coa interactividade como principio intrínseco.

 

Luís Celeiro

 

Licenciado en Ciencias da Información, (rama de Xornalismo), pola Universidade Complutense de Madrid, é doutor en Socioloxía e Ciencias Políticas pola Universidade de Santiago de Compostela, na que traballa actualmente como xefe do Gabinete de Comunicación e como profesor Asociado na Facultade de Ciencias da Información.

 

OBRAS REALIZADAS

 

A súa actividade como xornalista comeza en "A Nosa Terra" (cando aínda era estudante, en 1998), logo foi director do semanario "Tempo Galego", correspondente de Diario 16 en Galicia, colaborador de La Voz de Galicia, El Progreso, El Correo Gallego e O Correo Galego, xunto con outra serie de publicacións diarias e semanais. En 1986, despois de dous anos na Administración Autonómica como xefe do Gabinete de Comunicación da Consellería de Educación e Cultura, incorpórase como xornalista ao cadro de persoal da Universidade de Santiago. En 1991 volve á Xunta de Galicia, con nomeamento de xefe do Gabinete do Conselleiro, primeiro, de Relacións Institucionais e, despois, de Cultura. En xuño de 1996 retoma a súa actividade como director de Comunicación da Universidade de Santiago. Do traballo que realiza na Universidade destaca a actividade académica como profesor de "Xéneros Xornalísticos de Opinión e Interpretación" e como investigador no campo da Comunicación nas organizacións, tema sobre o que ten varias publicacións. En 1997, a Universidade encárgalle a dirección da súa publicación xornalística e, en novembro de 1999, a do diario dixital USC. Xornal electrónico, o primeiro diario electrónico das universidades do Estado Español. .

 

.::.