O Sr. Presidente da Xunta de Galicia
viaxou a Bos Aires para celebrar os actos oficiais correspondentes ao
Día das Letras Galegas 2008. Nesta visita, ademais de altos cargos
políticos, acompañaron a don Emilio Pérez Touriño senlleiras
personalidades culturais galegas entre as que podemos citar a Xesús
Alonso Montero, Isaac Díaz Pardo ou Claudio Rodríguez Fer.
Dentro das actividades que o señor
Presidente desenvolveu, o noso instituto estivo presente contribuír nos
actos desta emotiva celebración.
Dese xeito, o venres 16 de maio, no Teatro
Castelao do Centro Galego de Bos Aires, o alumno de 4º curso de
Bacharelato, Florentino Abad Troncoso, e a alumna de 3º curso do mesmo
nivel educativo, Ximena Alvite, interpretaron co acompañamento de
Amancio Prada os poemas “Ai, madre, o por quen eu choro” do “Cancioneiro
de Monfero” e “Sin voz” de “Canle segredo”, ambos os dous poemarios de
don Xosé María Álvaarez Blázquez.
O sábado, no multitudinario encontró que o
Presidente mantivo coa colectividade galega no pavillón de deportes do
Centro Galicia de Bos Aires, ademais dos alumnos citados antes, tamén
interpretaron poemas do autor homenaxeado os alumnos de 3º de
Bacharelato Tamara Moreno, quen leu o poema “Foguetes” do poemario
“Poemas de ti e de min” e Santiago Peralta, quen leu “Vinde todos ollar
á miña nena” de “Roseira do teu mencer”.
Ademais das excelentes interpretacións
anteriores, o coro escolar do instituto, baixo a dirección da profesora
Susana Ferré e acompañado á guitarra por Juan Manuel Naya, preparou para
presentar nesta data tan especial, o tema “O meu país”.
O escritor Manuel Rivas, na visita que
realizou á institución educativa, interpretou como agasallo para o
alumnado un anaquiño desta canción composta por Miro Casabella sobre un
texto de Juan Manuel Casado.
Como homenaxe á liberdade, ao respecto
entre semellantes, á solidariedade entre os pobos e, por suposto, en
sinal de admiración cara a aqueles que mantiveron viva a nosa cultura
xunto coa nosa lingua dende os albores dos tempos, o noso coro escolar
quixo pór tamén o seu graíño de area nestas celebracións.
