O coro do instituto abriu o "Encontro Coral" que organizou o pasado venres, 27 de xuño, a Comisión de Cultura do Centro Galicia de Bos Aires. Diante do público que enchía o Salón Valle Inclán da institución galega, os rapaces e rapazas que compoñen o noso coro infantil, interpretaron en primeiro lugar a canción "O meu país" de Xoán Manuel Casado e Miro Casavella e, posteriormente, a cantiga tradicional galega "A muller do tío Mateu".

Os aplausos e recoñecementos posteriores non fixeron máis que pór en alza o traballo desenvolvido polo alumnado e o excelente labor da súa directora, Susana Ferré, quen, en tan só 3 meses de ensaios, está levando esta actividade formativa a cotas de excelencia máxima. Xunto con eles, actuaron tamén o "Coro da escola de música número 5", o "Coro do Centro Galicia", o "Coro Inti" e o "Coro Meta Canto".

De maneira especial, queremos agradecer a colaboración de Juan Manuel Naya Ferré quen, unha vez máis, fixo un oco dentro das súas múltiples ocupacións para acompañar aos nenos e nenas nesta importante ocasión.