A señora Paula Fernández Pena, alcaldesa do concello de Silleda (Pontevedra), acompañada por don Xosé María Vila Alén (secretario xeral da Fundación Galicia América) e dos responsables educativos, visitou as nosas instalacións, interesouse polos proxectos que o instituto desenvolve e dialogou co alumnado dos diferentes niveis pedagóxicos.

Cómpre destacar tamén que dona María del Carmen Sánchez Fontao, en nome da comitiva silledense, fixo unha doazón económica para a campaña solidaria a prol do Hospital Garrahan que levan adiante os rapaces e rapazas do instituto.