|
|
Descripción: |
O martes, 25 de setembro, recibimos no
instituto a ilustre visita de don Pedro Caselles Beltrán.
Pedro Caselles é licenciado en Filosofía e
Letras pola Universidade Complutense de Madrid. En 1965, comezou a súa
carreira como Inspector de Educación do Estado Español en Lugo e, despois
continuou a súa carreira en Valencia, Guadalaxara e Madrid. Foi Delegado
Provincial do Ministerio de Educación de España en Cádiz e A Coruña e, desde
1976, desenvolveu cargos de alta responsabilidade na Dirección de Centros
non Estatais, na Educación Básica e en Investigacións e Documentación
Educativa. Tamén foi Conselleiro Técnico no Concello de Madrid. En Bos
Aires, durante seis anos, desempeñou o cargo de Conselleiro de Educación e
Ciencia da Embaixada de España en Arxentina, Uruguai, Paraguai e Chile.
Realizou multitude de estudos e investigacións no campo pedagóxico.
A súa traxectoria exemplar fixo que Tomiño, a
súa vila natal, o nomease fillo predilecto. Ademais, nesa localidade
pontevedresa, un colexio e unha biblioteca levan o seu nome. Tamén en
Montevideo, unha aula do Colexio Español Miguel de Cervantes ostenta o mesmo
honor.
Moitas grazas don Pedro por todo. |
